همسات شاعر

ثورة الحمير كانت الدنيا زحمه وواقفه والشارع فيه أزمة سير والامن واقف بالخرزان مترصصين طوابير طوابير والدنيا زيطه وزمبليطه وهوجه عامله نهيق وجعير يفط كتيره وكتبوا عليها مع بعض نوصل للتحرير هو عشان ماحنا صابرين ايه ذنبنا ان احنا حمير بتضربونا بتركبونا بتعدمونا هلكتوا حيلنا من المشاوير ملجمنا مكممنا مقيدنا مانعين عقولنا من التفكير وعندكو حق ومين هيلومكوا مفيش ولا لأ أصل احنا حمير ووارثينا من جد لجد وراكبنا شوية طراطير لحد امته هنفضل تحت وفين نصيبنا من التطوير نفسنا مره باتيه نتعشى زهقنا تبن وفول وشعير وقال حمار أنا نفسى أترقى وابقى حصان او حتى بعير لكنى مهما عليت وعليت ببقى حمار ولكنى كبير يا اما تشوفوا حلول لآلامى يا اما هلجأ للتهجير واضربلى رخصه وعلى بره بيقولوا بره الاكل كتير وكل حمار ماشى على كيفه ولافيش حبال ولافيش تقارير بيقولوا هناك بيحافظوا علينا كاتبين حقوقنا فـ الدساتير وكمان هناك ممن أترقى وابقى سفير أو أبقى وزير واتعشى فينو وباتيه ويفرشولى زريبه حرير لكن هنا هفضل متربط وسايقنى شوية طراطير